Forskrift om sektoravgift og gebyr til Nasjonal kommunikasjonsmyndigheit

FOR-2024-01-17-79 · Digitaliserings- og forvaltningsdepartementet · I kraft 2024-01-17 · Sist endret i kraft 2026-02-01
⚖️ Fastsatt med hjemmel i: lov 2003-07-04-83, postloven, lov-om-elektroniske-tillitstjenester, bredbandsutbyggingsloven, ekomloven

Forskrift om sektoravgift og gebyr til Nasjonal kommunikasjonsmyndigheit

§ 2. Fordelinga mellom aktørane

Statsbudsjettet fastslår kvart år inntektsløyvinga til Nasjonal kommunikasjonsmyndigheit, som er summen Nasjonal kommunikasjonsmyndigheit kan krevje inn i sektoravgift og gebyr. Sektoravgifta blir berekna etter anslått ressursbruk for oppgåvene Nasjonal kommunikasjonsmyndigheit utfører. Av det årlege beløpet kan Nasjonal kommunikasjonsmyndigheit krevje inn
  1. 53,8 % frå
    • tilbydarar av elektronisk kommunikasjonsnett og elektronisk kommunikasjonsteneste,
    • utbyggjarar av breiband og nettoperatørar,
    • tilbydarar etter lov om elektroniske tillitstenester,
    • datasenteroperatørar
    • innehavarar av løyve til å bruke nummer-, namn- og adresseressursar,
    • verksemd som deler ut domenenamn under norske landtoppdomene.
  2. 35,5 %
    • frå innehavarar av frekvensløyve,
    • for koordinering av satellittsystem.
  3. 7,3 % frå
    • registrerte importørar, produsentar og radioforhandlarar,
    • innehavarar av løyve for aeromobilt utstyr, nødpeilesendarar og anna radioutstyr,
    • autorisert verksemd.
  4. 3,4 % frå tilbydarar av posttenester.
Løyvinga i statsbudsjettet til Radiostøykontrollen reduserer sektoravgifta for frekvensløyve og koordinering av satellittsystem, jf. fyrste ledd nummer 2. Løyvinga i statsbudsjettet til administrasjon av statleg tilskott til breiband fordelast på forvaltningsområda.

§ 3. Fordelinga mellom sektoravgifter og gebyr

Gebyrinntekta for kvart forvaltningsområde blir trekt frå berekna sektoravgift for det relevante området og reduserer sektoravgifta som kan krevjast inn frå kvart område.

§ 4. Periode for sektoravgift og gebyr

Sektoravgift skal betalast kvart år for heile kalenderåret når løyvet, registreringa eller autorisasjonen er gyldig 1. januar.
Det skal betalast sektoravgift for heile kalenderåret for registreringar, løyve og autorisasjonar gitt mellom 1. januar og 1. juli. Blir det gitt registreringar, løyve eller autorisasjonar etter 1. juli, skal det betalast halv sektoravgift.
Løyve, registrering eller autorisasjon som er sagd opp før 1. januar, skal det ikkje betalast sektoravgift for det følgjande året.
Gebyr er eingongsgebyr.

§ 5. Regulering av beløp og satsar

Departementet kan årleg utan høyring, jf. forvaltningsloven § 37 fjerde ledd bokstav c, fastsette endringar i forskrifta som justerer sektoravgift og gebyr i samsvar med prosentvis endring i Nasjonal kommunikasjonsmyndigheit sine løyvingar i statsbudsjettet.

§ 6. Sektoravgift og gebyr for løyve til bruk av nummer, namn og adresser

Sektoravgifta for løyve til å bruke nummer i norsk nummerplan for telefon m.m. (E.164) er
  1. for 8- og 12-sifra nummer kr 14 540, eller der dette gir høgare avgift
    1. for 8-sifra nummer i 8xx-serien kr 0,18 for kvart nummer
    2. for nummer i seriane 2, 3, 5, 6, og 7 kr 0,03 for kvart nummer
    3. for 8-sifra nummer i seriane 4 og 9 kr 0,12 for kvart nummer
  2. for 4-sifra nummer i serien 18xx kr 4 350 for kvart nummer
  3. for 5-sifra nummer kr 2 320 for kvart nummer
  4. for 6-sifra EØS-harmoniserte nummer kr 2 910 for kvart nummer
  5. for kvart prefiks for val av tilbydar av elektronisk kommunikasjonsnett som blir brukt til offentleg tilgjengeleg elektronisk kommunikasjonsteneste kr 4 350.
Sektoravgifta for løyve til å bruke nummer i andre nasjonale, obligatoriske nummerplanar er
  1. for X.121 DNIC kr 4 350
  2. for X.121 PNIC (DNIC + 2 eller 3 siffer) kr 4 350
  3. for E.118 kortutgivarkode (IIN) kr 4 350
  4. for E.167 ISDN-nettkode for lukka brukargrupper kr 4 350
  5. for E.212 mobil nettkode (MNC) kr 4 350
  6. for E.214 nettkode (NC) for landmobile nett kr 4 350
  7. for Q.704 punktkodar for nasjonal signalering (NI=3) uavhengig av kor mange punktkodar som blir disponerte kr 4 350
  8. for Q.708 punktkodar for internasjonal signalering (NI=0) kr 4 350 for kvar punktkode
  9. for T.35 leverandørkode kr 4 350
  10. for tilbydarkode for tilbydarportabilitet kr 4 350.
Gebyr for løyve til å bruke og registrere nummerressursar etter frivillige nummerplanar er kr 1 970
  1. for registrering av ADMD domenenamn for X.400 elektronisk post
  2. for registrering av PRMD domenenamn for X.400 elektronisk post
  3. for løyve til å bruke EDI-identifikator for bruk i EDIFACT
  4. for løyve til å bruke ISO-DCC nettadresse (NSAP-adresse)
  5. for løyve til å bruke objektidentifikator.

§ 7. Sektoravgift for tillitstenester

Nasjonal kommunikasjonsmyndigheit kan i enkeltvedtak fastsetje og krevje inn ei sektoravgift for tilbydar av tillitstenester som er registreringspliktig, i tillegg til sektoravgift for frivillige sertifiserings-, godkjennings- eller sjølvdeklarasjonsordningar etter lov om elektroniske tillitstjenester. Sektoravgifta må ikkje overstige kostnadene ved Nasjonal kommunikasjonsmyndigheit si verksemd, jf. lov om elektroniske tillitstjenester § 7.

§ 8. Sektoravgift for verksemd som deler ut domenenamn

Nasjonal kommunikasjonsmyndigheit kan i enkeltvedtak fastsetje og krevje inn ei sektoravgift for verksemd som deler ut domenenamn under norske landkodetoppdomener. Sektoravgifta omfattar også Nasjonal kommunikasjonsmyndigheits forvaltningsoppgåver som sektormyndigheit etter sikkerhetsloven.

§ 9. Sektoravgift for tilbydar av elektronisk kommunikasjonsnett og elektronisk kommunikasjonsteneste

Nasjonal kommunikasjonsmyndigheit kan i enkeltvedtak fastsetje og krevje inn ei sektoravgift frå tilbydarar av elektronisk kommunikasjonsnett og elektronisk kommunikasjonsteneste i samsvar med ekomloven § 17-1 og bredbåndsutbyggingsloven § 22. Sektoravgifta omfattar også Nasjonal kommunikasjonsmyndigheits forvaltningsoppgåver som sektormyndigheit etter sikkerhetsloven.
Sektoravgifta som skal fordelast mellom tilbydarar av elektronisk kommunikasjonsnett og elektronisk kommunikasjonsteneste er samla sektoravgift etter § 2 første ledd nummer 1 etter frådrag for sektoravgifter og gebyr etter § 6, § 7, § 8 og § 9a.
Beløpet etter andre ledd skal fordelast forholdsmessig mellom tilbydarar av elektronisk kommunikasjonsnett og elektronisk kommunikasjonsteneste. Kvar tilbydar skal betale ein del av dette beløpet som svarar til tilbydaren sin del av den samla relevante omsetninga. Relevant omsetning er omsetning i marknaden for elektronisk kommunikasjonsnett og elektronisk kommunikasjonsteneste knytt til eksternt sal i konsern eller selskap og geografisk avgrensa til Noreg. Omsetning knytt til innhald, til dømes TV-innhald, blir ikkje rekna som omsetning i marknaden for elektronisk kommunikasjonsnett og elektronisk kommunikasjonsteneste.
Det gis eit botnfrådrag på 43 millionar kroner for konsern eller selskap, slik at sektoravgifta blir berekna av omsetning som overstig 43 millionar kroner i siste rekneskapsåret før sektoravgiftsperioden.
Nasjonal kommunikasjonsmyndigheit kan fordele sektoravgifta etter andre kriteria enn omsetning, for å oppnå ei betre forholdsmessig fordeling av sektoravgifta. Kriteria kan mellom anna vere brøkdel av talet på abonnentar eller brøkdel av trafikkvolum på sluttbrukarnivået. Blir eit anna kriterium nytta, skal det gjelde for heile marknadar eller delar av enkeltmarknadar så langt det går. Sektoravgifta skal også etter slike kriteria fordelast etter prinsippet for omsetninga. Det same gjeld vurderinga av samla aktivitet, talet på abonnentar, trafikkvolumet i konsern eller andre grunnlag for fordelinga. Botnfrådraget i fjerde ledd gjeld tilsvarande.
Nasjonal kommunikasjonsmyndigheit kan i enkeltvedtak nærmare fastsetje kva slags relevant omsetning som omfattast og skal leggast til grunn for berekninga av sektoravgifta.

§ 9a. Sektoravgift for datasenteroperatørar

Nasjonal kommunikasjonsmyndigheit kan i enkeltvedtak fastsetje og krevje inn ei sektoravgift frå datasenteroperatørar som
  1. tilbyr andre tilgang til datasenterteneste mot vederlag,
  2. driv datasenter med en abonnert elektrisk effekt på meir enn 0,5 MW, eller
Sektoravgifta omfattar også Nasjonal kommunikasjonsmyndigheit sine forvaltningsoppgåver som sektormyndigheit etter sikkerhetsloven. Sektoravgifta skal fordelast forholdsmessig mellom datasenteroperatørar etter fyrste ledd.

§ 10. Sektoravgift for tilbydar av postteneste

Nasjonal kommunikasjonsmyndigheit kan i enkeltvedtak fastsetje og krevje inn ei sektoravgift frå tilbydar av postteneste i samsvar med postloven § 53.
Sektoravgifta som skal fordelast mellom tilbydarar av posttenester er samla sektoravgift etter § 2 første ledd nummer 4.
Beløpet etter andre ledd skal fordelast forholdsmessig mellom tilbydarar av posttenester. Kvar tilbydar skal betale ein del av dette beløpet som svarar til tilbydaren sin del av den samla relevante omsetninga i marknaden for posttenester i samsvar med postloven og geografisk avgrensa til Noreg.
Det gis eit botnfrådrag på 23 millionar kroner for konsern eller selskap, slik at sektoravgifta blir berekna av omsetning som overstig 23 millionar kroner i siste rekneskapsåret før sektoravgiftsperioden.
Nasjonal kommunikasjonsmyndigheit kan i enkeltvedtak nærmare fastsetje kva slags relevant omsetning som omfattast og skal leggast til grunn for berekninga av sektoravgifta.

§ 11. Gebyr for radioamatørløyve

Innehavar av eit radioamatørløyve skal betale kr 2 170 i gebyr ved tildelinga av løyvet.
Innehavaren skal betale kr 1 080 i gebyr ved endringar i kallesignal, tildeling av eigne kallesignal til enkeltståande arrangement og tildeling av eigne kallesignal til grupper, klubbar og foreiningar.

§ 12. Sektoravgift og gebyr for sendarløyve for Profesjonell Mobil Radio og lågeffektsystem

Innehavarar av sendarløyve for Profesjonell Mobil Radio skal betale kr 890 i sektoravgift for kvar basestasjon og kr 300 i sektoravgift for kvar mobile stasjon.
Gebyret for kvar ekstra ein-frekvenskanal til gjeldande løyve er kr 470. Innehavar av sendarløyve for lågeffektsystem skal betale kr 890 i sektoravgift.
Innehavar av sendarløyve for Profesjonell Mobil Radio eller lågeffektsystem til enkeltståande arrangement eller med tilsvarande kort varigheit skal ved tildeling betale kr 270 i gebyr for kvart løyve. I tillegg skal innehavar betale kr 110 i gebyr for kvar kanal løyvet gjeld.

§ 13. Sektoravgift og gebyr for sendarløyve i frekvensband over 30 MHz som er planlagt for kringkastingstenester

Innehavar av sendarløyve for kringkastingsnett i frekvensband over 30 MHz som ikkje er riksdekkjande skal betale ei sektoravgift på kr 2 680 for kvart nett. I tillegg skal innehavar betale følgjande sektoravgift for kvar sendar innehavar har, avhengig av sendareffekt:
  1. Kr 640 for sendareffekt mindre enn 50 W
  2. Kr 1 030 for sendareffekt frå 50 W til 1000 W
  3. Kr 2 110 for sendareffekt høgare enn 1000 W.
Innehavar av sendarløyve til enkeltståande arrangement eller med tilsvarande kort varigheit, i frekvensband over 30 MHz som er planlagt for kringkastingstenester, skal betale kr 3 260 i gebyr ved tildelinga av løyvet.

§ 14. Sektoravgift for sendarløyve som ikkje fell inn under § 12, § 13 og § 16

Innehavar av jordstasjonar for satellitt skal betale ei sektoravgift på kr 8190 for kvart frekvensband det blir sendt i for kvar jordstasjon. Innehavar av jordstasjonar på Svalbard og i Antarktis skal i tillegg betale ei sektoravgift på kr 8 190 for kvart frekvensband det blir mottatt signal i for kvar jordstasjon.
Innehavar av stasjon i radiotelemetrisystem, punkt til punkt og punkt til multipunkt, skal betale sektoravgift avhengig av utstrålt effekt (e.r.p.). Avgifta skal være kr 290 for kvar sendar for stasjonar med effekt under eller lik 0,5 W og kr 850 for kvar sendar for stasjonar med effekt høgare enn 0,5 W.
Innehavar av sendarløyve til lokale nett i frekvensbandet 3,8-4,2 GHz skal betale sektoravgift avhengig av bandbreidde og utstrålt effekt slik det går fram av tabellen under. Lav-effekt inneber ein maksimal tillaten spektral effekttettleik på 18 dBm / 5 MHz EIRP for basestasjonane. Medium-effekt inneberer ein maksimal tillaten spektral effekttettleik på 36 dBm / 5 MHz EIRP for basestasjonane.
Bandbreidde lokale nettPris lav-effekt brukPris medium-effekt bruk
20 MHz2201 080
40 MHz4301 520
60 MHz8702 390
80 MHz1 7304 130
Innehavar av sendarløyve som ikkje inngår i første til tredje ledd, skal betale sektoravgift for kvar sendar innehavar har avhengig av bandbreidde og frekvensband sendarane bruker, som det går fram av tabellen under. Dersom det nyttast MIMO-teknologi mellom to punkt, skal det berre betalast ei sektoravgift per stasjon for same frekvens, polarisasjon og bandbreidde.
Frekvensband sendarane brukerBandbreiddePris per sendar i kr
Lågare enn 1 GHzTil og med 25 kHz880
Lågare enn 1 GHzOver 25 kHz til og med 150 kHz1 170
Lågare enn 1 GHzOver 150 kHz2 100
Frå og med 1 GHz og lågare enn 5,15 GHzTil og med 2 MHz1 160
Frå og med 1 GHz og lågare enn 5,15 GHzOver 2 MHz2 020
Frå og med 5,15 GHz og lågare enn 8,5 GHzTil og med 25 MHz670
Frå og med 5,15 GHz og lågare enn 8,5 GHzOver 25 MHz til og med 49 MHz870
Frå og med 5,15 GHz og lågare enn 8,5 GHzOver 49 MHz til og med 70 MHz1 130
Frå og med 5,15 GHz og lågare enn 8,5 GHzOver 70 MHz1 470
Frå og med 8,5 GHz og lågare enn 20 GHzTil og med 25 MHz420
Frå og med 8,5 GHz og lågare enn 20 GHzOver 25 MHz til og med 49 MHz540
Frå og med 8,5 GHz og lågare enn 20 GHzOver 49 MHz til og med 90 MHz700
Frå og med 8,5 GHz og lågare enn 20 GHzOver 90 MHz til og med 150 MHz920
Frå og med 8,5 GHz og lågare enn 20 GHzOver 150 MHz1 210
Frå og med 20 og lågare enn 57 GHzTil og med 25 MHz250
Frå og med 20 og lågare enn 57 GHzOver 25 MHz til og med 49 MHz300
Frå og med 20 og lågare enn 57 GHzOver 49 MHz til og med 90 MHz350
Frå og med 20 og lågare enn 57 GHzOver 90 MHz til og med 150 MHz430
Frå og med 20 og lågare enn 57 GHzOver 150 MHz520
Frå og med 57 GHz210

§ 15. Sektoravgift for spektrumsløyve

Det samla beløpet som blir krevje inn frå innehavarar av spektrumsløyve etter denne paragrafen, er beløpet etter § 2 første ledd nummer 2 etter frådrag for sektoravgift og gebyr etter § 11 til § 14 og § 16.
Innehavarane av spektrumsløyve skal betale ei sektoravgift som består av to delar utrekna slik:
  1. 20 % av beløpet etter første ledd blir fordelt mellom innehavarane av spektrumsløyve med ein lik del for kvar samanhengande frekvensblokk dei disponerer.
  2. 80 % av beløpet etter første ledd blir fordelt mellom innehavarane av spektrumsløyva i høve til Nasjonal kommunikasjonsmyndigheit ressursbruk og bandbreidda som kvart spektrumsløyve omfattar. Dette gjerast slik at beløpet blir fordelt på kvar samanhengande frekvensblokk som kvart spektrumsløyve omfattar ved at vekta bandbreidde rekna ut etter tredje ledd, blir delt på den samla vekta bandbreidda for alle spektrumsløyva det skal betalast sektoravgift for etter denne paragrafen, og multiplisert med beløpet etter første punktum.
Kvar samanhengande frekvensblokk eit spektrumsløyve omfattar blir tilordna ei vekt i høve til bandbreidda og ei vekt i høve til Nasjonal kommunikasjonsmyndigheit sin ressursbruk. Vekta bandbreidde blir rekna ut ved at vekta i høve til bandbreidda blir multiplisert med vekta i høve til Nasjonal kommunikasjonsmyndigheit sin ressursbruk. Vekta i høve til bandbreidde er lik 1/f, der f er senterfrekvensen i det frekvensbandet frekvensblokka ligg i. Vekta i høve til Nasjonal kommunikasjonsmyndigheit sins ressursbruk følgjer av tabellen under. For frekvensband som ikkje er nemnde i tabellen, vert vekta lik 1. For regionale løyve blir vekta multiplisert med brøkdelen av befolkninga i Noreg som er busett i dekningsområdet for løyvet. For løyve som gjeld på Svalbard blir vekta multiplisert med 1/100. For løyve som gjeld offshore blir vekta multiplisert med 1/5.
FrekvensbandVekt
0–30 MHz0,025
47–68 MHz0,1
137–174 MHz4,0
174–240 MHz7,0
380–400 MHz3,0
400–470 MHz6,0
470–694 MHz3,0
738–758 MHz7,0
703–733/758–788 MHz7,0
791–821/832–862 MHz8,0
876–880/921–925 MHz4,0
880–915/925–960 MHz9,0
1427–1517 MHz2,5
1710–1785/1805–1880 MHz17,0
1920–1980/2110–2170 MHz20,0
2500–2690 MHz9,0
3400–3800 MHz6,0
25100–27500 MHz6,0

§ 16. Andre sektoravgifter og gebyr for frekvensløyve og koordinering av satellittsystem

Nasjonal kommunikasjonsmyndigheit kan ved enkeltvedtak fastsetje og krevje inn ei sektoravgift for:
  1. internasjonal koordinering av satellittsystem,
  2. tildeling av løyve og tilsynsførsel med jordstasjonar for satellitt på Svalbard og i Antarktis,
  3. frekvensløyve til Forsvaret,
  4. sendarløyve i frekvensband planlagt for kringkastingstenester med sendarar i frekvensband lågare enn 30 MHz,
  5. sendarløyve for lokale, private nett i 3800–4200 MHz-bandet og 26 GHz-bandet,
  6. frekvensløyve for maritim radioverksemd, og
  7. for frekvensløyve til luftfartsverksemd.
Nasjonal kommunikasjonsmyndigheit kan ved enkeltvedtak fastsetje og krevje inn gebyr eller sektoravgift for frekvensløyve som ikkje er omfatta av første ledd eller § 11 til § 15.

§ 17. Sektoravgift og gebyr for løyve for aeromobilt radioutstyr

Gebyr for registrering av installert radioutstyr i luftfartøy er
  1. for fullt utstyrt luftfartøy over 9 000 kg, kr 1 680
  2. for fullt utstyrt luftfartøy under 9 000 kg, kr 1 220
  3. for luftfartøy som ikkje er fullt utstyrt, kr 690.
Sektoravgifta for løyve for aeromobilt radiokommunikasjonsutstyr, radionavigasjonsutstyr, pulsutstyr og nødpeilesendar (ELT) om bord i luftfartøy, er kr 690.
Sektoravgifta for løyve for terminalutstyr om bord i luftfartøy er kr 690.
Sektoravgift for løyve for radioutstyr som kan overføre data eller tale på landmobile, maritime eller private kanalar om bord i luftfartøy, er kr 690.

§ 18. Sektoravgift for løyve for personleg nødpeilesendar

Sektoravgifta for løyve for ein personleg nødpeilesendar er kr 550.

§ 19. Sektoravgift for registrert leverandør eller radioforhandlar

Sektoravgifta for ein registrert leverandør av radio- og terminalutstyr er kr 10 460. Sektoravgifta for ein registrert radioforhandlar er kr 2 200.

§ 20. Sektoravgift for autorisert verksemd

Sektoravgifta for ein autorisasjon er kr 5 800.

§ 21. Unntak

Nasjonal kommunikasjonsmyndigheit kan i særlege høve dispensere frå reglane i forskrifta.
Stor variasjon i sektoravgifta og gebyr frå eit år til det neste kan reknast som særleg høve etter fyrste ledd.

§ 22. Klageinstans

Departementet avgjer klage på enkeltvedtak som Nasjonal kommunikasjonsmyndigheit fattar med heimel i forskrifta.

§ 23. Sanksjonar

Blir ikkje sektoravgifter eller gebyr betalt, kan Nasjonal kommunikasjonsmyndigheit trekkje tilbake løyve, nekte bruk og nekte å utferde nye løyve.
Bruk av sanksjonar endrar ikkje plikta til å betale fastsett sektoravgift eller gebyr.
Tekst: Lovdata (offentleg eigedom, jf. åndsverkloven § 14), gjengitt uendret per siste tilgjengelige versjon. Rettsregels lovkommentarer er tydelig merket og er våre egne.