Lov om kristendomsundervisning ved vidaregåande skole, høgskole og universitet

§ 1.

Den som underviser i kristendomskunnskap ved statleg, fylkeskommunal eller kommunal vidaregåande skole, høgskole eller universitet, skal undervise i samsvar med den evangelisk-lutherske lære.

§ 2.

Kongen kan fastsetja at føresegna i § 1 også skal gjelde for privat skole og privat høgskole som har eksamensrett eller får tilskott av stat eller kommune.

Endra med lov 11 juli 1986 nr. 53.

§ 3.

Den som ikkje har hovudstilling som lærar i kristendomskunnskap og som ikkje høyrer til Den norske kyrkja eller Den evangelisk-lutherske frikyrkja, pliktar ikkje å undervise i faget jamvel om han har kompetanse. Tvilsmål om kva som er hovudstilling blir avgjort av Kongen.

§ 4.

Denne lova tek til å gjelde 1 januar 1972.

Tekst: Lovdata (offentleg eigedom, jf. åndsverkloven § 14), gjengitt uendret per siste tilgjengelige versjon. Rettsregels lovkommentarer er tydelig merket og er våre egne.